Home Wararka HNN Axmed Madoobe oo markale wada-hadallo ugu baaqay dowladda Federaalka

Axmed Madoobe oo markale wada-hadallo ugu baaqay dowladda Federaalka

Baladweyne(HNN)- Madaxweynaha Dowlad Goboleedka Jubbaland Axmed Maxamed Islaam oo magaalada Kismaayo ka daah furay gogosha Shirweynaha dib u heshiisinta iyo nabadaynta Jubbaland ayaa ka hadlay arrimo dhowr ah oo ku saabsan xaalada dalka ee khilaafka dowladda iyo Maamulka Jubbaland.

Axmed Madoobe oo hadal ka jeediyey shirka ayaa Xubnaha isbadal-doonka ee heshiiska la galay Dowlad Goboleedka Jubbaland iyo masuuliyiintooda  uga mahad celiyay go’aanka ay qaateen,isla markaana ay qayb ka noqonayaan sidii xooga loo saari lahaa looguna gacan siin lahaa Madaxweyne Axmed Maxamed Islaam dib u dhiska iyo dardar galinta howlaha horyaala.

Waxaa kale oo Madaxweynahu uu balan qaaday in albaabada uu u furi doono qof walba oo ka aragti duwanaa oo wax ka tabanayay Dowlada isla markana dhamaan dadka ree Jubbaland loogu adeegi doono si Siman oo aan eex lahayn.

Madaxweynahu wuxuu sheegay in ay mar walba ka go’nayd sidii qof walba oo Jubbaland wax ka tabanaya loo dhagaysan lahaa iyadoo taas ay wali hakad ugu jirto dhismaha Xukuumada Cusub isagoo intaas ku daray in dhamaan dadka ree Jubbaland ay halkaas iska wada dhex arki doonan.

Dhinaca Kale Dowlada Federaalka ah ayuu Madaxweynahu sheegay inay mar walba Jubbaland diyaar ula tahay wada shaqayn iyo in wixii kala aragti duwanaan ah wada hadal lagu dhameeyo sida heshiiska Jubbaland iyo golahii isbadal doonkuba ay khilaafkooda xalka nabada ah uga gaareen Dowlada ayuu Madaxweynahu ugu baaqay inay doorkeeda qaadato sidii Bulshada loo midayn lahaa.

LEAVE A REPLY

Please enter your comment!
Please enter your name here